آحزم تفاصيلك ولملم بقاياك
اليوم للتغيير فيني عزيمه
وصلت من للآرهاق لحدود الآرباك
وعرفت بإن آجهاد نفسي جريمه
من كثر مافيها من اوجاع وإنهاك
على حساب ارضيبها آشياء عديمه
عزت علي من بعد تفكير وادراك
آنها على الهامش تعيش الظليمه
شريت بالتغيير يانفسي ارضاك
وبعت آكثر آكثر شي وبدون قيمه
وش عاد باقي في العمر ماتعداك
وانتي مع كل البشر مستقيمه
اللى متى وانتي كما انتي ومبداك
تعطين ماشفتيه لوهي بهيمة
اليوم هذا غير عن كل ماجاك
وآهم نقطه للتحول سليمة
على قدر ماجاك خلي عطاياك
الا الخطاء لي جاك كوني حليمه
الاشياء بالحجم الطبيعي فـ دنياك
تآخذ آماكنها وقدهي غنيمه
واللي يبادلك المعزه ويرعاك
بيجيك من كبر غلا في صميمه
مافيه آحد يبقا لحد غير ذولاك
اللي نواياهم نظاف وسليمه
على بياض قلوبهم دارت افلاك
الله جمع منها النديم بنديمه
على العموم اللي خذا واللي آعطاك
فيما مضى خذيت قدر وحشيمه
وسرحت يالتغيير فيني مطاياك
على طموح وقو باس وعزيمه
يسوقها كبر الامل ويتحفاك
ياللي سماك غيوم وارضك هشيمه
حاول تكون الجاي قبل اتعداك
وتصبح مع الآيام ذكرى قديمه
،