ياضيقة الصدر لاهنتي على كل حال
انا من الضيق كيف يشب صدري حريق
مايبرك الهم في صدري ولا الحزن طال
وانا آتذكر فهد ،، مهوب معقول آضيق
اللي عطاه الله اخٍ لم يكن له ببال
يسجد لربي شكر ويقول عندي شقيق
والله لو ماكسبت سواه لي راس مال
يكفيني آني كسبته في حياتي صديق
هذا هو الربح واغلا ماتمنى الرجال
اللي لها فوق هامات السحايب طريق
ياكيف اعدد اخصالك يالفهد والخصال
من النقاء والطهر عليك منها بريق
كنك تشكل من اندرها وتصبح محال
تكرار شخصيتك يابو الجاج الطليق
على أي رجال ثاني فارقه لاتزال
اتقول ماكنها بآنسان غيرك تليق
لو مامدحتك من آمدح بالقوافي الثقال
يوم اطرق المدح مستطرب وفعلك عريق
لك في سماء الود والتقدير برق ومخال
ولك في ثراء الصدر منها كل وادي غريق
لوما غلاك يتعدا في خفوقي الخيال
قلي من آغلي سواك من الخلايق صديق..؟!
.