ياصديقي لاتجاملني لجل ترضيني
ماورا كثر المجامل ياصديقي راحه
انت غالي بس تكفا لي نويت تجيني
لاتجيني وانت نفسك ماهي بمرتاحه
خلها وانا ادري ان فيها من اللي فيني
كل نفس لها محيط بالأرتياح وساحه
والله ان اقصى شعور براحتك يعنيني
كثر ماتعني نيوتن طيحة التفاحه
كان تبغا يالشلي تبقا كبيير بعيني
لاتخلي للمجامل بيننا مداحه
لاتراعي خاطري تكفى ولاتدعيني
كل خاطر وان سلا بيجيه مايجتاحه
الحياه بكبرها فرصه مابين وبيني
اغتنمها ياصديقي والصراحه راحه
#مانع_الوايلي