والله ان الدمع فآطراف العيون
له ثلاث آيام مدري وشبلاه
والله آن صدري من الضيق مغبون
لو ستر وجه الظلام اكثر عناه
ياكثر محتاجلك ياللي تمون
كثر ماحتاج التنفس في الحياه
انت تدري وشهو آغلا مايكون
واعظم الاشياء وآنبل ماتراه
النفوس اللي تألفها يكون
بالمشاعر والبياض وألآتجاه
ودي أُوُصّف فوق مايتصورون
بس عاجز لاتصور مأحتواه
من معاني الصدق فيمايشعرون
شي لا يمكن توصفه الرواه
أعظم الاخلاص ياللي تدركون
كان تبغونه من اعلى مستواه
في نفوس الاصدقاء تستشعرون
ابرز اخصال الصديق اللي عطاه
مثل مدات السحايب بالمزون
لو تجف الارض يحييها بماه
لاخر حدود الوفاء يتوحدون
وأبعد من احساس لأخوان ومداه
الترابط بينهم فطره بدون
لاتكلف لاتزلف لاأشتباه
من مفاهيم الصداقة يكبرون
لي صغر فـ عيون الانسان أقرباه
الحياه أكبر من اللي يحسبون
التعايش كثر مال وكبر جاه
وأغلب الحيين فيها يجهلون
أن حياة الرجل نفسه بأصدقاه
مايحس بقيمته فالناس كون
واحدٍ دور عليه ولا لقاه
والله آن آقسا عليه من الطعون
لي شعر بالاحتياج وماقواه
ياكثر محتاجلك ياللي تمون
كثر محتاج التنفس فالحياه
لو تشوف الصدر بالضيق مغبون
لايهمك ياصديقي ماوراه
يزعلون الناس ولا يفرحون
الزمن ماهوب طاحنا رحاه
غير ياصلف الزمن ولاتهون
والله آن اموت ماابيح خفاه
#مانع_الوايلي